هلا شحالكم >>> اللي يسمع من كثركم هع
ما عندي شي اليوم أقوله ....
so
امممم
بقول لكم عن سوالف مرت و غبرت هع
طبعا من أول ما تولدت الى يومنا هذا والعايله ما تودر شي اسمه رحلات للبر
>>> هم متعودين لازم كل سنه نروح البر و نبات لنا كم يوم <<<
هذا قانون بابا وعمي >>> لازم نروح البر ولازم نروح العين زياره
العام ضحيت و رحت عسب التآلف الاسري خ خ خ >>> عيبتني تآلف أسري
ولو ان ما أحب السوالف البعيده عن التطور
و بعد زياده قوم بابا ما يودونا رحله عائليه فيها خصوصيه لا >>>> ونحن رايحين ننصدم بكم سياره زياده
يعني طالعين بــ 3 أو 4 سيارات و فجأة يزيدو بالانشطار الثنائي يصيرو 8 أو 10 و فالبر يوم نحدد الموقع سيارتين فوق العدد مجانا هع >>> صدقوني ما أبالغ
عسب جذيه أنا دوم آخذها شرده و أروح عيمان ...
العام يوم رحت استانست كتغير جو وناسه >>> بس هالسنه ما رحت عسب أشتاق لازم اقطع كم سنه جدام ...
المهم الزيده ...
دام فتحنا باب للذكريات ...
يوم كنت صغيره >>> مب من كبري خ خ خ بس يوم كنت صغيره
يعني بعدني صغيره
يوم كنت فالصف الثالث رحنا رحله للبر >>> خ خ خ
فالبدايه كنا ظاهرين بـ 3 سيارات >>> و بيكب عسب نحمل الأغراض ...
و بعدين زاد العدد المهم ...
طبعا حرب عندنا نبغي نركب بالبيكب ورا خ خ خ >>> محد يقرا بطيح من عينكم
طبعا نحن كنا أكثر من 5 عوايل
ابوي و اخوانه 3 و عايلتين زياده >>>> و كلنا يهال نبغي نركب فالبيكب ....
ركبنا أنا واخواني وعيال عمومتي ورا >>> ونغيض أنساب بابا اليهال
و كل ساعه فالدرب يوقفو قوم بابا عسب يشترو لوازم الرحله >>>> وبعد عسب شيطونه و ولد عمي يصيحون يبغون حلاوه >>> بهاذيج الفتره كانو هم أصغر اثنين فالعايله
بعدين وقفونا عند سوبر ماركت عسب نشتري حلاوه و شيبس و عصير و هـ السوالف >>> أعتقد هاليوم كان يوم الهنا بالنسبه لصاحب السوبرماكت ... >>> بخبركم كيف اكتشف هـ السر
هجوووم رحنا نشتري
و قفت ويا ولد عمي محتاره >>> أقول : فلان شو أشتري آيس كريم و مثلجات ولا شيبس
و هو : طلع لي آيس كريم نوعه يديد قال خذي هذا
المهم راح يحاسب الريال ونساني >>>> شكل الشيبس ما خذ عقله و خلاه ينساني >>> هذيل هم الرياييل خ خ خ
انزين ....
أنا بعدني محتاره أدور يمكن أحصل شي ثاني يعيبني >>>> خ خ خ شو أسوي أحب الأكل و هالسوالف
خلااااص خلصت و اخترت >>> و سبحان الله كل اللي اخترته من الثلاجه >>> يعني سوالف تذوب بسرعه
و اشتريت و دفعت و خلصت >>> أشووف الهندي ولد اللذينا يضحك ...
يوم ظهرت ولا سياره من السيارات اللي كانت بره موجوده >>>> رديت عنده الهندي أقوله وينهم >>> اللي يسمعني يتحراه خباهم
>>> شكلهم أهلي من كثر اليهال نسوني <<<
المهم وقفت بره أصيح و أصيح و بعد أصيح >>> حليلي كسرت خاطر نفسي هع
المهم طلعووو جماعه رياييل حليلهم كسرو خاطري هم بعدلا>> محد يقرب الثاني بس يايين يتسوقو ...
أنا واقفه عند سيارة واحد منهم أصيييح >>> واحد سأل صاحب السيارة : هذي بنتك ... قال :لا بعدين سأله هو : هذي بنتك
>>> يا ذكي يوم انه سألك لو انا بنتك ولا لا بطلع بنته هو
المهم بعدين الهندي اليي أنا لين اليوم كارهته من الله و فهمهم ان أهلي اشترو من عنده و نسوني
....
أول واحد قال : خلاص بنخليها هنيه و بنتريا أهلها اييون و ياخذوها ...
الثاني قال : لا يمكن ما يمرو نحن شو عرفنا ... خلاص أنا بوديها مركز الشرطه ..
.. يمكن أهلها يدورونها و يبلغو عند المركز ...>>> وأنا أصيح و فخاطري أقوول انا شو سويت عسب يقول انه بيوديني مركز الشرطه
الثالث : >> تم ساكت ...
طبعا اتبرعت امه >>> و هي حرمه كبيره بالسن و تكلمت قالت : لا لا هذي البنت ما تركب الا سيارتنا ...تمت حليلها تبوسني قالت : حبيبتي ركبي ويانا أنا و ميود (( ولدها اسمه مايد )) لو كنت أكبر
المهم ركبت سيارة ميود و أنا بعدني أصيح يعني الصياح مستمر
و فخاطري 100 ألف فكره وفكره >>> أقول يا ربي هذيل وين بيودوني بيردوني عند أهلي ولا بيودوني بيتهم أعيش عندهم
و أنا بعدني أصيح >> قاعده أتخيل أهلي بعد 20 سنه يوم بيحصلوني و جذيه >> يعني كنت قاعده أألف فلم هندي من بطولتي هع
المهم
الحرمه تسألني : حبيبتي انتو وين رايحيين >>> الحرمه مب مصدقه حد ينسى عياله
>>> أكيد بينسو عيل شالين قافله وياهم <<<<
أنا : نحن رايحيين رحله >>> طبعا قبل رحلات البر بالنسبه لي مجرد رحله وين و شو السالفه ما أعرف غير انها رحله
الحرمه : زين حبيبتي أهلج طالعين بكم سياره ؟؟؟
أنا : فتحت ايدي اليمنى حسيت ان العدد أكثر فتحت ايدي اليسرى عسب تساعدي فالعد
الحرمه : زين حبيبتي أبوج عنده موبايل >> على أيام الكاتل و المياس
أنا : هيييه اهئ اهئ
الحرمه : زين كم رقمه
ولدها رفع موبايله : يلا حبيبتي قولي لي كم رقم أبوج أنا ألحين بتصل
أنا : ما أعرف ^^
>>> شو هالبنت النحيسه <<<
الحرمه : ما تعرفي رقم حد ثاني ..
أنا : لااا>> بس أعرف رقم بيتنا >>> لأني كنت أعطي البنات فالمدرسه خ خ خ
الريال : زين كم رقم بيتكم
أنا : *********
الريال : تم ساعه يتريا حد يرد عليه و كل مره يعيد الرقم
الريال : أميه محد يرد
الحرمه : حبيبتي محد يرد ما تعرفي رقم حد ثاني
أنا : محد فالبيت كلهم فالرحله ^^ >> ما كان من أول الريال حرق تلفونه
وصلنا مركز الشرطه
الريال : أميه أنا بروح وببلغ ... وقال لي تعالي وياي
أمه : لا روح انته و خليها أنا ما بخلي البنت تنزل فهـ المكان >>>> حبيبتي والله هالحرمه حبيتها الله يرحمج ان كنتي حيه أو ميته
المهم
راح الريال و تم فتره
و بعدين ياا الضابط : شو اسمج
أنا : إهئ أنا فلانه بنت فلان ولد فلان اهئ
الضابط : زين خلاص انتو سويتو اللي عليكم و خلو البنت عندنا عسب انه لو أهلها يو يحصلونها
و قال لي : يلا تعالي
أنا : لاااااااااااااااااااااا ما ابغي لا لا لا ماماااااااااااااااااااااااااا
الحرمه : لا لا ميود قول له ان نحن بناخذها عندنا و اذا صار اي شي خله يتصل عطهم رقمك
و خلوني وياهم بالسياره
و ألحين نحن رايحيين بيت ميود و امه
الحرمه :يلا ألحين تعالي بيتنا لعبي ويا فلانه بنت ولدي
أنا : ما أبغي >>>> شو تتحروني هبله بعدين تتعودو علي و ما ترجعوني
وصلنا عند الباب
الحرمه : يلا حبيبتي نزلي
أنا : ما أبغي لالالالالالا
ولدها : نزلي لعبي ويا فلانه بنت اخوي
أنا : لالا لا لا >>> أصرخ من كل قلبي
العايله كلها طلعت >>> مستغربين منو هذي اللي يايبينها
شوي رن تلفون مايد : ألو والله زين ألحين نحن يايين
أمي أهلها فالمركز سألو عنها أنا بوديها و برد
الحرمه : لا حبيبي أنا بيي وياك
أنا طبعا في لحظة صمت خلاص دموعي وقفت ألحين نفسيتي ارتاحت
وصلنااااااااااااااااااااااااا يس
الريال نزل و تم شوي وبعدين رجع : منو هذا
أنا : هذا عميييييي
و فتحت باب السياره مب مصدقه
الحرمه : لحظه حبيبتي ميوود بعطيها عيديه وين بوكك
مايد : خذيه
الحرمه تمت تنبش : يودي حبيبتي وباستني >>> 50 درهم تعويض ع ـالحلويات اللي ذابت خ خ خ
أنا ركض عند عمي رحت سيارته و ربيعه فالسياره >>> طبعا ربيع عمي ولد جيراننا
تم يسألني كيف وكيف
و عمي تم يرمس ميووود و يشكره
وصلت بر الأمان عند أهلي >>> حليلهم بالرغم من اني مب موجوده بس كملو رحلتهم هالشي ما خرب عليهم >>>> صامدين في وجه كل شي يحاول يعكر مزاج رحلتهم
طبعا هاليوم كنت بالنسبه لليهال شي عجيب
سوينا دايره و قعدت أخبرهم كل اللي صار
و لين اليوم كل ما أذكر السالفه خاطري أعرف هالحرمه وولدها وينهم وشو أخبارهم >>> ودي أعرف هالحرمه لألحين عايشه ولا الله خذ امانته
في ناس يدخلو حياتنا يومين بس لهم بصمه كبيره فحياتنا >>>> فـ هالحرمه لين اليوم ع ـالبال
المهم هذي سوالفي
و شو اللي عندكم انتو
my space << rafoo3
رد: my space << rafoo3
خ خ خ عبالي خط قلم 
رد: my space << rafoo3
رد: my space << rafoo3
رد: my space << rafoo3
>>> ولا لأن السياره على هوى نفسه ؟؟
العرض العادي
