روبوت لمستقبل أفضل ...

[رفيعة الشان]

بسم الله الرحمن الرحيم


يسعدلي صباحكم / مساكم


كيفكم ؟؟

روبوت للمستقبل >>>> مب الروبوت اللي انتو متوقعينه ...


أحيانا يبالغ أهالينا فالخوف علينا ...

أحيانا يبالغ الكبار في تحديد مستقبلنا ...

وبعد ...

اغلب الأهالي ساعات يتدخولو فـ المواضيع المستقبلية و يحددو هم متى هالشخص لازم يعرس و منو الشخص المناسب له...


>>> حتى اذا كان الولد أو البنت مش راضيين ... المهم الابو والام ...موافقين <<<

ساعات يكون الوالدين سبب من أسباب طمس شخصية عيالهم ... و هم مب حاسيين

>>> كل اللي حاطينه فبالهم انهم سوو الأحسن لولدهم .... <<<

في أشخاص ما يقدرو يقررو ولا يختارو شي بنفسهم ... >>> لأن أبوهم ولا امهم يمكن ما يرضو .. او انه أصلا خلاص السيستم اتضبط على أساس انه هو مب حر و شخصه مش ملكه

الأب يختار لولده ربعه .... الأب يختار لولده التخصص ولا الوظيفه .... الأهل هم اللي يختارو منو بياخذ ومتى ...>>> حتى لو ولدهم مب مؤهل للاعتماد ع ـالنفس ...

>>> ليش يعتمد على نفسه البركه بأبوه و أمه هم اللي بيربو عياله وحرمته فوقهم <<<<

لا تطلع لا تروح لا تسو كذا وكذا ...


سير سير .... سوي كذا و كذا وكذا ...


>>>> صدقوني ما أبالغ أمسات انصدمت انه في ناس لين ألحين هي اللي تختار لعيالها رغم كبر سن عيالها تتحكم بطريقه تمرض ...


أنا مع خوف الأهل على عيالها >>>> بس ضد المبالغه و طمس الشخصيه ...>>>> ضد تحديد مصير هالشخص ورسم حياته مش بنفسه

الأب حب انه يألف قصه مستقبلية لعياله ....>>> يعني هو الكاتب و الأم مساعد الكاتب يمكن هي اللي تكتب السيناريو و الحوار


العيال هم ممثلين في قصه كتبها الأب ...


تشوف الولد ولا البنت خايفين من اختيار شي >>>> لو اخترت في شخص فالبيت بيغير الاختيار ..

اييك الشخص ما يعرف كيف يتكلم لأنه أبوه منعه سنين من الكلام مع الغرب ...

ريال كبير ما يعرف فالأعراس شو يقولو وحتى ما يعرف يوم يعزي كيف يتكلم .... لو تكلم بيقول كلمات متقاطعه لأنه متردد حتى في اسخف الأمور ..

أمي تقول بابا يقول >>>> يا ريال انه شو تقول لا تقول ماما وبابا

المهم ....


لكل شخص حاب انه يتدخل فرسم حياة ولده وفي تحديد مجرى حياته ...

الروبوت اللي صنعتوه مش مهيء للحياة من بعدكم ...

الروبوت اللي صنعتوه غير قابل للحياة من بعدكم >>>> فــ اذا ناويين تودعو خذو عيالكم وياكم ...


رايكم يهمني ....


شدو حيلكم فـ التعليق ..



يحياتي : رفوع

[شيطونه طشونه]

هااااي

رفووع من الصبح قاعده تتضارب وياي اتقوول لي حطي رد فموضوعي لا تناقشيني فيه خلي الاعضاء يعرفو رايج فالموضوع و انا بقراه



المهم ..


انا ((اعوذ بالله من كلمة انا)) اعتقد ((من خبرتي فالحياة ..16سنه مب شوي )) ان كل ام و كل اب يتمنو لعيالهم حياة افضل من حياتهم

يعني ما في اب يتمنى ان ولده يعيش الحياة إلي هو عاشها فيقرر يوفر له كل شي و ما يخليه يحتاج لشي

وا نا ما اقول ان كل الاباء متعذبين فحياتهم بس في مرات بدل ما يخلو عيالهم يكتسبو خبره بنفسهم يقولو لهم المواقف إلي صارت وياهم

بس الانسان ما يتعلم إلا من اخطاءه ما يتعلم من اخطاء الآخرين

و بالنسبه للاتخاذهم القرارات

اعتقد ان الشي إلي يميزنا عن هالعينه ((هالآشخاص)) ان نحن اتعلمنا انقول لا لاهلنا

وانا ما اقول لكم اذا ما عيبكم كلامهم روحو كفخوهم بس في اشيا مستحيل يقرروها عنا

مثلا الوظيفه في ناس يدوسو على قلبهم عشان يسوو إلي اهلهم يبو و هالشي غلط

محد بيتحمل يقعد فوظيفه هو مايباها عسب اهله ....كل انسان وميوله

والمفروض الاهالي يعرفو ان الولد عنده شخصيه و اذا ازالو شخصيته بيضيع احترام الناس له



وبث

[احساس الحياة]

أنا أقول يا رفيعة >>> مب كل ما شفتي حد أهله يتحكمون فيه تعتبريه ما عنده شخصيه ..


أنا أعتبره احترام ..

بالعكس أهلنا ما يبغون لنا الا الأحسن ,,

و نحن ما عندنا خبره فالحياة تخلينا نقرر لنفسنا يعني لازم أهلي هم اللي يقررو بدالي لأني ما اعرف افرق بين الزين والشين ..

نحن مانفكر الا بقلبنا أما اهلنا يفكرو باللي أبعد

نحن نفكر باليوم اللي بنعيشه >>> أهلنا يفكرون بالأيام اللي لنعيشها ..


و اذا ابوي اختارلي شخص أو أهلي قررو يزوجوني شخص أنا ما أبغيه هذا لأنهم هم شايفيين انه بيسعدني ..و مع الأيما بنكتشف ان أهلنا كانو على حق


و التخصص و اختيار الوظيفه اعتقد ان مافيها شي لو اهلي اختارو لي تخصصي ..


وبس

[ضيـے]

السـلام عليكم ورحمـة الله وبـركآته ..






المفـروض يكون فيه مشـاركه من طرفين قبل اي شي .. وبعدين

الدين مازال يفرض علينا الزواج عن طريق الاهل .. المجتمع يغرس

فينا شغلات متعدده ومن أهمها - الحريه الشخصيه - .. وانا اعتقد

أن الحريه الشخصيه لها ضوابط .. بس حالياً كل شي فالمجتمع استوى

يندرج تحت الحريه الشخصيه .. وهذا الموضوع من أحد النتائج السلبيه للحريه الشخصيه ..






بنسبالي الزواج عن طريق الاهـل شي مفيد وضار نفس الوقت ..

أحيـان الاهل يعرفون البنت بظاهر - فقط - .. ومـايعرفون بواطن الذات ..

ويمكن لهذا الشاب يعرف اشياء هم يجهلونها .. طبعاً والحال ينعكس عند البنت ..



أفضل حل هو التشاور .. واحترام الاهل لرغبة الابناء .. واحترام الابناء لراي الاباء ..




ونترقب منج الزود يالغاليه

[رفيعة الشان]

اقتباس المشاركة الأصلية كتبت بواسطة شيطونه طشونه هااااي رفووع من الصبح قاعده تتضارب وياي اتقوول لي حطي رد فموضوعي لا تناقشيني فيه خلي الاعضاء يعرفو رايج فالموضوع و انا بقراه المهم .. انا ((اعوذ بالله من كلمة انا)) اعتقد ((من خبرتي فالحياة ..16سنه مب شوي )) ان كل ام و كل اب يتمنو لعيالهم حياة افضل من حياتهم يعني ما في اب يتمنى ان ولده يعيش الحياة إلي هو عاشها فيقرر يوفر له كل شي و ما يخليه يحتاج لشي وا نا ما اقول ان كل الاباء متعذبين فحياتهم بس في مرات بدل ما يخلو عيالهم يكتسبو خبره بنفسهم يقولو لهم المواقف إلي صارت وياهم بس الانسان ما يتعلم إلا من اخطاءه ما يتعلم من اخطاء الآخرين و بالنسبه للاتخاذهم القرارات اعتقد ان الشي إلي يميزنا عن هالعينه ((هالآشخاص)) ان نحن اتعلمنا انقول لا لاهلنا وانا ما اقول لكم اذا ما عيبكم كلامهم روحو كفخوهم بس في اشيا مستحيل يقرروها عنا مثلا الوظيفه في ناس يدوسو على قلبهم عشان يسوو إلي اهلهم يبو و هالشي غلط محد بيتحمل يقعد فوظيفه هو مايباها عسب اهله ....كل انسان وميوله والمفروض الاهالي يعرفو ان الولد عنده شخصيه و اذا ازالو شخصيته بيضيع احترام الناس له وبث

حبوبه قصدت التدخل الأعمى انتي التدخل البسيط للمصلحه العامه ما تحبينه ... >>> وتعبريه تهكم >>> مب تحكم تهكم


حتى التخصص الوالدين المفروض يكونو متفاهمين ..


في ناس تبالغ فـ تحكمها ..


هالشي يسبب للشخص رهبه و حتى صعب انه يعتمد على نفسه فأي قرار مهما كانت درجة سهولته ..


تسلمين عيووز ع ـالمرور الحلو ..

[تـكـفـيـنـي الـذكــرى]

آتحمس آنآ في موآضيع آلنقآآآآآآآآآآآآآآآآآآآآآآش
هلا وآلله رفوووع منورهـ’ آلبقعه ^_^



آممم << آدش في آلموضوووع ::



آنآ آشوووف آنه آلآهل لاآآزم يرآعوون آلآبنآآآآآء في هآلسآآآلفه :: لان آلعيآآآل لهم كيآن لهم تفكيير لهم شخصية [ يعني بشر ] مثل آلآبآء ،،

يعني مآ يصييير من يووم آلولد صغييييييير آلآب آو آلآم :: يخآفووون على عيآلهم من ضوء آلشمس .. يخآفوووووون علييهم من آلهوآء آلطآير ..

من مني .. تبدآ سآلفتج يآ رفووووع ^_^ .. آلآب يمنع .. آلآم تمنع .. آلآب يخآف وآلآم تخآف .. يآثروون على آلعيآآآل [ وهم صغآآآآآر ]

من هم ضغآآر مآ شي رآي .. آللي يقوووله آلآب || آلآم .. هو آللي يمشي .. غيرهـ’ لا ...

يووم يكبرووون .. مآ يكون في مجآل آنه يبدي رآيه آلشآب آو آلفتآآة ..~




آنآ آشد من يدج .. آنه هآلشي غلط .. وآنه بصمة آلآهل في هآلجآنب وآآآآآآآآآآآضحه بشكل كبييير في آلعيآل ..
آنهم مآ عطووهم آلحرية آلكآفية آلمحدووودة آلآمنة .. وعطوووهم آرآؤهم وتفكيرهم ومعتقدآتهم .. دون آي حرآآكـ’ من آلعيآآل ..



مني يكوون دووور آلشآب || آلبنت .. آمآ في آلخرووج من هذي آلقوقعه .. آو آلآستمرآآآآر في مآآآ كآآآآآآآآآآآآآآآآآآآآآآآآآآآآآن ^_^


دمتي بسعآآدهـ’ حبوووووووبة .. وآعتذر على آلآطآله ..~وآتمنى مآ آكوون خآآآآآآرج آلنص ..